Home Blog

Ciidamada Kenya oo 52 qof ku dilay Jubada Hoose

Ciidamadda Kenya ee qeybta ka ah Howgalka AMISOM ee Soomaaliya ayaa la sheegay in dad shacab ahaa ay ku laayeen deegaano ka tirsan gobolka Jubbada Hoose ee Koonfurta dalka Soomaaliya.

Korneel Aadan Rufle oo ka mid ah saraakiisha ciidamadda Dowladda Soomaaliya oo la hadlay idaacadda Simba ee magaaladda Muqdisho ayaa sheegay in ciidamadda Kenya bishaan gudaheeda ay dileen 52-ruux oo shacab ahaa.

Waxa uu sheegay in dadka la laayay ay isugu jireen ganacsato iyo dad shacab ahaa, kuwaasi oo kenyaanka ay ku eedeeyeen in ay kasoo horjeedeen maamulkooda, iyo dhul balaarsiga ay ka wadaan gobolka.

Rufle ayaa sidoo kale sheegay in ciidamadda Kenya ay qaraxyo dhulka ay galiyeen ay ku qarxiyeen gawaari dad shacab ah ay lahaayeen, kuwaasi oo waxyeelo geystay.

Hadalkiisa ayaa imanaya ayada oo Xildhibaan Daahir Amiin Jeesow oo ka tirsan Golaha Shacabka Soomaaliya uu shalay shaaca ka qaaday in Ciidamo Kenyan ah ay dileen dad shacab ahaa oo gaari la socday, kadibna ay gubeen.

Tirada dadka ciidanka Kenya ay tacadiga u geysteen waxa ay ahaayeen 8-ruux kuwaas oo ku safrayay meel 10KM u jirta Deegaanka Raaskaambooni.

Ciidamada oo socday waxaa kahor tagay gaariga ay saarnaayeen dadka shacabka, iyaga oo rasaas ku furay, kadibna gubay dadkii dhintay.

Liiska Odayaasha soo xulaya Baarlamaanka Jubbaland oo la shaaciyay

Guddiga Madaxa bannaan ee xaduudaha iyo doorashooyinka Jubbaland ayaa waxaa ay ku dhawaaqeen liiska Magacyada Odayaasha dhaqanka ee soo xulaya Baarlamaanka MaamulkaasiJubbaland.

Odayaasha soo xulaya Xildhibaannada Jubbaland ee la shaaciyay 135 Oday , iyaga oo matalaya Beelaha ay ka kooban yihiin dadka Soomaaliyeed,waxaana laga sugayaa Odayaashaan inay mudo kooban kusoo xulaan Xildhibaannada Jubbaland ee dooranaya Madaxweynaha maamulkaas.

Hoos Ka Akhriso Magacyada iyo Beelaha ay kasoo kala jeeda Odayaasha Dahqanka.

Xog; General Indhacade oo Qaraxii Maanta ee Moqdisho Ka bad baaday iyo Askartiisii oo Lugu laayay

Qaraxaas ayaa ahaa mid warar dheeraad ah kasoo baxayaan,iyadoo dhimashada iyo dhaawaca uu badan yahay.

Dad Xajka inay aadaan doonayey ayaa ku le’day Qaraxa,sidoo kale Askar badan ayaa ku baaba’ay.

Al Shabaab inkastoo war kasoo saareen weerarkaasi oo ay goobta ku laayeen askar fariisinta joogay hadana xogo kale ayaa la helayaa.

Warqaad ayaa heshay xog ka hadleysa in Qaraxaasi ay ku le’deen askarta ilaalada u aheyd General Yuusuf Maxamed Siyaad (Indha Cade) oo safka baabuurtiisa ay ku jireen gaariga qarxayna uu gadaashooda taagnaa.

Indha cade ayaa la sheegay inuu ka bad baaday qaraxaasi,kaas oo maanta shir kaga qeyb geli lahaa Hoteelka Afriik ee Muqdisho

Genaral indhacade ayaa kamid ah Dadka Mudooyinkii Danbe aan ladhacsanayn siyaasada Farmaajo ee Lugu Hogaaminayo  Dalka somalia waxa uuna dhawaan shir uga qayb galay Magalada Hobyo Halkaas oo Beesha uu kasoojeedo shir uga furmay

Daljire.com

Caligaab34@gmail.com

Faah Faahin Qarax Lugu Hoobtay oo Kadhacay Moqdisho

Hoos kadaawo Warbixin Faah faahsan

SUBSCRIBE CHANEL

Booliska Somalia oo ka hadlay qarixii ka dhacay Magalada Muqdisho

Taliye kuxigeenka Ciidanka Booliska Soomaaliyeed Zakiya Xuseen ayaa faah faahin waxaa ay ka bixisay qaarxii khasaaraha dhimashada iyo dhaawaca ah geystay ee Maanta barqadii ka dhacay Magalada Muqdisho.

Waxaa ay sheegtay taliya Zakiya in Ciidamada Ammaanka ay ka hortageen Gaari noocisa yahay TOYOTA NOAH oo doonayay in uu si xoog ah ku maro bar-koontorool ay Ciidamada Dowladda ku leeyihiin agagaarka Km4,isla markaana ay ku dhinteen Askar iyo dad Shacab ah.

Abbaarihii 10:40 subaxnimo ayee Ciidanka amniga ka hortageen baabuur noocisa yahay TOYOTA NOAH oo doonaayay inuu xoog ku maro checkpoint yaala KM4 halkaas oo uu ku qarxay. Waxaa qaraxaas ku dhintay askar iyo dad shacab ah, qaar kalena ay ku dhaawacmeen ayay tiri Taliya Zakiya”.

Taliska Booliska Soomaaliya sirasmi ah uma shaacin khasaaraha dhimasho iyo midka dhaawac ee ka dhashay qaraxaas,hayeeshee warar madax banana oo soo baxayay ayaa waxaa ay sheegayaan in 12 Ruux ay ku geeriyoodeen 15 kalena ay ku dhaawacmeen.

Faahfaahin ku saabsan qarax ka dhacay Muqdisho

Warar kala duwan ayaa ka soo baxaya qarax Xoogan oo ka dhacay Magaalada Muqdisho,kaasi oo Jugtiisa laga maqlay inta badan Degmooyinka Gobolka Banaadir.

Qaraxaas ayaa waxaa uu ahaa mid loo adeegsaday Gaari laga soo buuxiyay Waxyaabaha Qarxa,isla markaana waxaa uu ku qarxay Albaabka hore ee Afrik oo ku yaalla Wadada gasha Garoonka Diyaaradaha Caalamiga ah ee Aadan Cadde ee Muqdisho.

Sidoo kale Hotelka Afrik ayaa waxaa uu ku dhow yahay Koontaroolka laga ilaaliyo Garoonka Aadan Cadde,iyadoona amniga halkaas siweyn loo sugo,waxaana goobta ku yaalla hotelo ay degan yihiin dad badan.

Waxaa socda Gurmad loo sameeynayo dadkii halkaasi ku waxyeeloobay,waxaan uu dab xoogan qabsaday Kaalin shidaal oo ku taalla meel ku dhow Aargada Isgoyska KM4.

Wararka qaar ayaa waxaa ay sheegayaan in xiliga uu qaraxa dhacayay wadada ay aheyd mid aad u Mashquul ah oo dadka iyo gaadiidka noocaydiisa kala duwan ay is dhaafayeen.

Ciidamo ka tirsan kuwa Booliska Soomaaliya ayaa tegay halkaas,isla markaana waxaa ay ay xireen Aaga uu qaraxa ka dhacay,waxaana hakad ku jira isku socodka gaadiidka iyo dadka.

Weli lama Oga Khasaaraha rasmiga ah ee ka dhashay qaraxaas ka dhacay Magaalada Muqdisho.

Sawirro wafdi kasocda Beesha caalamka oo Dhuusamareeb soogaray

Wasiirka arimaha Gudaha Soomaaliya iyo Madaxa Galmudug ayaa Garoonka Diyaaradaha Dhuusamareb kusoo dhaweeyay Madaxa Wakiilada Soomaaliya Beesha Caalamka

Madaxa Xukumadda Galmudug Shiikh Maxamed Shaakir Cali Xasan iyo Wasiirka arimaha Gudaha Soomaaliya Cabdi Maxamed Sabriye ayaa Garoonka Diyaaradaha Magalada Dhuusamareb kusoo dhaweeyay Wakiilada Soomaaliya Beesha Caalamka Sida Wakiilka Qaramada Midowga africa Igad iyo Safiirada Ilaa Dhowr iyo toban Dal

Wafdigaan waxay lakulmi Doonaan Xasan cali khayre R/wasaraha somalia

DEG DEG : qarax xooggan oo ka dhacay Muqdisho

Wararka naga soo gaarayo Magaalada Muqdisho ee Caasimadda Soomaaliya ayaa sheegayo inuu halkaas ka dhacay qarax xooggan.

Qaraxa oo dhawaqiisa laga maqlay inta badan Magaalada ayaa waxaa lasoo sheegayaa inuu ka dhacay isgoyska Km4.

Qaraxa ayaa la sheegay inuu ka dhacay Koontaroolka laga aado Garoonka Diyaaradaha ee Magaalada Muqdisho meel aan sidaas uga fogeyn Hotel Afrik.

Wufuud Heer Caalami ah oo Maanta ku wajahan Dhuusamareeb

Magalada Dhuusamareeb ee Xarunta rasmiga ah ee Maamulka Galmudug ayaa Maanta waxa la filayaa in ay gaaraan wufuud Heer Caalami ah oo ka kala socda Wadamada Caalamka iyo Ururo,kuwaas oo taageera siiya Dowladda Federaalka Soomaaliya.

Wararka la helayo ayaa waxaa ay sheegayaan in Xubnaha  Heerka Caalami  iyo Ururada ee Maanta tagaya Dhuusamareeb ay ka kala socdaan, Ururo caalami ah, sida , Mareykanka, UK, Sweden, Norway, Turkiga, Qatar, Holland, Jabuuti, Ethiopia, Germany, Italia, Qaramada Midoobay, IGAD, Midowga Afrika iyo Hey,addo kale oo Caalami ah.

Magalada Dhuusamareeb ayaa waxaa haatan laga dareemayaa qaban qaabada soo dhaweynta wafdigaas oo si kala gooni gooni ah u tegi doona Dhuusamareeb,waxaana ay wufuudaas la filayaa markii ay tagaan halkaasi inay la kulmaan Ra’iisul Wasaaraha Soomaaliya Xasan Cali kheyre oo weli halkaasi ku sugan.

Ammaanka Magalada Dhuusamareeb ee Xarunta Maamulka Galmudug ayaa aad loo adkeeyay,waxaana dhawaan sidoo kale ay martigelin doontaa shirka dib u heshiisiinta Beelaha dega Galmudug kaas oo uu dhawaan iclaamiyay Ra’iisul Wasaare Xasan Cali Khey

FARMAAJO oo kulan xasaasi ah la qaatay Thabo Mbeki

Madaxweynaha Soomaaliya Mudane Maxamed Cabdullaahi Maxamed Farmaajo ayaa xalay kulan gaar ah xarunta Madaxtooyada kula qaatay Madaxweynihii hore ee dalka Koonfur Africa Thabo Mbeki oo hoggaaminaya wafdi sare oo ka socda ururka Midowga Africa.

Kulanka oo ahaa mid xasaasi ah ayaa waxaa looga hadlay arrimo ay ka mid yihiin dagaalka ka dhanka ah Al-Shabaab, is dhexgalka dalalka Africa, iyo guud ahaan amniga gobolka.

Madaxweyne Farmaajo ayaa wafdiga uga warbixiyey miradhalka dadaallada dib u dhiska dalka iyo caqabadaha haatan heysta Soomaaliya.

“Dagaalka aan kula jirno argagixisada ma ahan mid ku kooban Soomaaliya, waa dagaal u yaalla dhammaan dalalka Gobolka. Wax ka qabashada aragagixisadu waxa ay u baahan tahay jawaab heer Gobol ah iyo aragti mideysan oo aan ka yeelanno xaqiijinta amniga guud ee Gobolka.” ayuu yiri Madaxweynuhu.

Madaxweyne Maxamed Cabdullaahi Famaajo oo hadalkiisa siio wata ayaa shaaciyey in dowladdiisu door muuqdoka qaadanayso arrimaha is dhex galka dalalka Geeska Afrika

Dhinaca kale Thabo Mbeki Madaxweynihii hore ee dalka Koonfur Afrika, haatana ah madaxa guddiga sare ee Latalinta Midowga Afrika ayaa dhankiisa ka hadlay madasha, wuxuuna ka sheekeeyey maqaamkii ay Soomaaliya ku laheyd Qaaradda Afrika iyo caalamkaba.

“Sharaf ayay ii tahay in aan Muqdisho imaado 45 sanno ka dib. Waxaan halkan joogay 1974, xilligaas Soomaalidu waxa ay ahaayeen dad mideysan iyo dal xoog leh.”

Munaasabaddan waxaa sidoo kale ka qayb-galay, Ra’iisul Wasaare ku xigeenka dalka Mudane Mahdi Maxamed Guuleed, guddoomiyaha gobolka Banaadir Mudane Cabdiraxmaan Cumar Cusmaan, guddoomiyaha maxkamadda sare Mudane Baashe Yuusuf Axmed, wasiirro iyo xildhibaanno ka tirsan baarlamaanka federaalka Soomaaliya.

Madaxweynihii hore ee Puntland oo tallooyin siiyay madaxweynaha cusub ee Puntland

Kadib markii lagu dhawaaqay natiijada doorashada madaxweynaha Puntland waxaa khdubado la siiyay masuuliyiin kale oo ku sugan goobta ku sugan. Saciid Cabdullaahi Deni Madaxweynaha cusub...

Sawirro;-Galkayo, 17 Dec 2018, Validation of Customary law for Galkayo joint Peace initiative

With the support of HD (The Centre for Humanitarian Dialogue), the Galkayo Joint peace committee has today held a meeting for many Galkayo residents...

Cilmi baaris laga sameeyay dadka sida joogtada ah u gala sawirrada kadibna soo dhigo...

Wargeyska DailyMail ee kasoo baxa Ingiriiska ayaa daabacay warbixin uu ka qoray cilmibaaris ay Jaamacadda Ohio ee dalka Mareykanka ka sameysay dadka sida joogtada...

SAWIRO:- Wasaaradda Beeraha Koonfur Galbeed Oo Martigalisey Shir Muhiim ah.

Wasaarada Beeraha Dowladda Koonfur Galbeed Soomaaliya Ayaa Magaalada Baydhabo Kuqabatey Shir Muhiim ah oo Kusaabsan Arimaha Beeraha. Shirkan Ayaa Waxaa Diirada Lagu saarayey Horumarinta Beeraha...

(SAWIRO) Dhaliyarada Baydhabo Oo Caawa Ciyaaradat Kadawaranayaan Hoelada

Caawa oo ah habeenkii ugu dambesay kulanka Finalaha World cup oo ay ciyarayaan  labada xul France iyo Croatia ayaa dhalinyarada magalada baydhabo waxey ciyaarta...

Jubbaland oo maanta Xukun dil toogasho ah ku riday Askari horay Xaaskiisa u dilay

Maxkamada Ciidamada Qalabka sida ee Dowlad Goboleedka Jubbaland ayaa waxaa Maanta ay xukun dil toogasho ah ku riday Cabdullaahi Aasad oo ka tirsanaa Ciidamada...

Khatarta dagaal ganacsi kaga dhex qarxi karto Maraykanka iyo Shiinaha oo sii kordhaysa

Khatarta ah in dagaal ganacsi ka dhex qarxo Maraykanka iyo Shiinaha ayaa sii korodhay maadaama Madaxweyne Trump soo bandhigay qorsheyaal cashuur cusub oo qiimaheedu...