Home Blog

Faah-faahin Qarax caawa Xildhibaan lagula eegtay Muqdisho

Waxaa faah-faahino dheeraad ah laga helayaa nuuca iyo khasaaraha ka dhashay Qarax Miino oo caawa ka dhacay afaafka hore ee Hotel cusub ku oo yaalla Isgoyska Shaqaalaha  ee wadada Maka Al-Mukarama.

Qaraxaas oo ahaa miino la dhigay wadada dhinaceeda, ayaa aad ugu dhawaa Hotel cusub oo ay ka socotay munaasabad xariga looga jarayay, sidoo kale waxaa aad u badnaa isticmaalka wadada xiliga uu qaraxu dhacayay.

Dadka wadada marayey xiligii uu qaraxu dhacay waxaa ka mid ahaa Xildhibaan Cabdulqaadir Garabow oo ka mid ah xildhibaanada golaha shacabka, waxaana ku dhintay labo ka mid ah askartii ilaalada u eheed iyo darawalkii gaarigiisa, halka ay jiraan dhaawacyo kale oo soo gaaray ilaaladii xildhibaanka, waxaana la sheegay in uu xildhibaanku ka badbaaday qaraxaas.

Labo qof oo kale oo shacab ah ayaa la xaqiijiyay in ay ku geeriyoodeen iyo dhaawaca shan ruux, waxaa goobta yaalay gaari NOAH ah oo uu watay qof shacab ah, kaas oo gabi ahaantiisba gubtay isaga iyo labo mooto Bajaaj.

In kastoo aan si rasmi ah loo ogeyn khasaaraha rasmiga ah wadarta guud ee dhimashada ayaa noqoneysa inta Afar ruux oo labo askar ahaayeen iyo dhaawaca shan kale, waxaana goobta soo gaaray askar ka tirsan booliiska Soomaaliya, kuwaas oo dadka rasaas ku kala cayrinaya.

Madaxtooyada oo War kasoo saartay kulankii Madaxweyne Farmaajo & hoggaanka Ahlusunna

Madaxweynaha Jamhuuriyadda Federaalka SoomaaliyaMaxamed Cabdullaahi Farmaajo ayaa dib ugu soo laabtay Caasimadda Muqdisho, kaddib markii uu  kusoo xiray magaalada Dhuusamareeb wajiga koowaad ee Shirweynaha Dib-u-heshiisiinta Galmudug.

Madaxweynaha ayaa ka hor inta uusan ka soo amba-bixin magaalo Madaxda Galmudug ee Dhuusamareeb, waxa uu halkaas kulan gaar ah kula yeeshay Culimada hoggaanka u ah Ahlu Sunna, isagoona ku ammaanay doorka samatabixineed ee ay dhabarka u riteen culimada deegaanku.

Madaxweyne Maxamed Cabdullaahi Farmaajo oo kulankan kula hadlay Sheekh Maxamed Shaakir Cali, Macalin Maxamuud Sheekh Xasan, Sheekh Cabdirisaaq Maxamed Cali (Al-Ashcari) ayaa la wadaagay muhiimadda ay u leedahay aragtidoodu, dadaalkooda iyo waxqabadkoodu dhismaha Galmudug mideysan, horumarsan oo ka tarjumeysa aqoonta iyo kartida reer Galmudug.

Dhankooda, Hoggaanka Ahlu Sunna Wal-jamaacah ayaa Madaxweynaha uga mahadceliyey mudnaanta uu siiyey tan iyo markii uu xilka qabtay, xal u helista khilaafyadii kala duwanaa ee ka jiray Galmudug, waxa ayna soo bandhigeen rajo mugweyn oo ku aaddan hana qaadka Dowlad Goboleedka Galmudug.

Sidoo kale, Madaxweynaha ayaa la kulmay Taliyeyaasha Ciidamada dhawaan la qarameeyey ee ku sugan Dhuusamareeb, waxa uuna xusay in dowladdu ay xoogga saartay xaqiijinta xuquuqdooda ciidannimo iyo tayeyntooda, isagoona ku dhiirri geliyey go’aankooda ku saleysan Qarannimada iyo in ay u istaageen difaaca dalkeenna.

Dhanka kale, Madaxweynaha Jamhuuriyadda oo la kulmay Xubnaha Guddiga Dib-u-Heshiisiinta Galmudug ayaa tilmaamay in shacabka iyo Xukuumadda Soomaaliyeed ay u garoowsan yihiin dadaalka mugga weyn ee ay la yimaadeen tan iyo maalintii la magacaabay, kaas oo horseeday in laga gudbo caqabado waaweyn oo hortaagnaa midnimada, horumarka iyo dowladnimada Galmudug.

Mareykanka oo faah faahiyey duqeyn uu ka fuliyey Jubbada Hoose

War-saxaafadeed ka soo baxay taliska Ciidamada Maraykanka ee qaarada Afrika ee loo yaqaano (AFRICOM) ayaa lagu faah faahiyey duqeyn dhinaca cirka ah oo uu Mareykanka ka fuliyey deegaan duleedka ka ah Magalada Kismaayo ee   Gobolka Jubbada Hoose.

Qoraalka Africom ayaa lagu sheegay in Ciidamada Mareykanka oo kaashanaya Saaxiibadooda Soomaaliya  ay 17-kii Bishaan oo shalay ku beegneyd ay duqeyn dhinaca cirka ah ka fuliyeen deegaan Waqooyi Galbeed ka xiga Magalada Kismaayo,halkaas oo ay ku sugnaayeen Xubno ka tirsan  Al-Shabaab.

Weerarkaas ayaa Mareykanka waxa uu sheegay inay ku dileen laba Xubnood oo ka tirsanaa Al-Shabaab,isla markaana weerarkaas ay  ku taageerayeen Ciidamada Dowladda Soomaaliya,hayeshee aysan wax ku noqon dad rayid ah.

Ugu dambeyn Warka AFRICOM ayaa lagu soo geba-gabeeyay in Mareykanka uu sii wadi doono duqeymaha uu la beegsanayo saldhigyada Al-Shabaab ilaa iyo inta Mas’uuliyadda amniga dalka ay ugu wareejinayaan Ciidamada Dowladda Soomaaliya iyo kuwa Maamul goboleedyada.

Dhinaca kale Taliska Ciidamada xoogga dalka Soomaaliyeed ayaa weerarkaas kazoo saaray war ka duwan kan Mareykanka,waxaana taliyaha Ciidamada xoogga dalka uu sheegay inay weerarkasi oo ka dhacay deegaanka Bandar-Jadiid oo u dhow Buundada Araare ay ku dileen 15 Xubnood oo ka tirsanaa Al-Shabaab halka mid ka mid ah ay nolosha kusoo qabteen.

Xog: Sirdoonka Itoobiya, Kenya iyo Villa Somalia oo ka shiray arrinta Jubaland

Daljire.com, ayaa heshay xog ku saabsan kulan natiijo la’aan ku soo dhamaaday oo toddobaadkii hore ka dhacay magaalada Nairobi ee xarunta dalka Kenya, kaas oo u dhaxeeyay Soomaaliya, Itoobiya iyo Kenya.

Kulankaan oo ku saabsanaa arimaha Jubbaland, ayaa waxaa yeeshay saraakiil ka tirsan hogaanka sirdoonka Itoobiya iyo kuwa Kenya iyo masuuliyiin ka tirsan Villa Somalia.

Dowladda Itoobiya ayaa kulankaan soo qaban qaabisay waxa uuna qorshuhu ahaa in wadahadal lagu dhameeyo xaaladda Jubbaland balse waxaa la sheegay in Kenya ay diiday in meesha laga saaro Axmed Madoobe, halka Itoobiya iyo Soomaaliya ay doonayeen in meesha wadahadal looga saaro Axmed Madoobe.

Saraakiishii ka socotay Madaxtooyada Soomaaliya ayaa kuwa Itoobiya u gudbiyay cabasho ka timid Madaxweynaha Soomaaliya oo aheyd, in Itoobiya aysan sidii lagu ballamay u wajihin xaaladda Jubbaland maalmihii ay socdeen dedaallada meesha looga saarayay Axmed Madoobe ee ka hor doorashadiisa.

Sirdoonka Itoobiya ayaa madaxdii Villa Somalia ka socotay u sheegay in aysan awoodin faragelin ciidan iyo mid siyaasadeed oo toos ah ama qaawan, maadaama ay goobtu joogto dowlad kale oo kala tirsan AMISOM islamarkaana ay aagaas iyadu ku qaran tahay.

Madaxweynaha Soomaaliya ayaa diiday gabo gabadii shirka in uu qaabilo wafdi kasocda Kenya islamarkaana uu kala hadlo xaaladda Jubbaland.

“Kenya kalama hadlayo xaaladda gobol kamid ah Somalia waxaana degaanka ka qaadan doonaa wixii ay Soomaali heshiis ku tahay xalna u ah dalka” ayuu yiri Madaxweynaha Soomaaliya Maxamed Cabdullaahi Farmaajo oo telephone kula hadlay wakiiladii shirka u joogay.

Maalin kadib markii uu shirkaan guul darrada ku soo dhamaaday, ayaa waxaa shir jaraa’id qabtay Madaxweyne Axmed Madoobe, isagoo ku goodiyay in xaaladda Jubbaland ay horseedi doonto bur bur iyo dib u dhac xoog leh, hadii aysan dowladda Soomaaliya qorshaheeda wax ka badalin.

Hoggaamiyaha Daacish oo sheegay in Mareykanka lagu jabiyey dalal ay ka mid tahay Somalia

Hoggaamiyaha guud ee ururka Daacish, Abuubakar Al-Baqdaadi oo soo duubay cod maqal ah ayaa ka hadlay howlgalladdii ugu dambeeyey ee ay kooxdu ka fulisay wadama dhowr ah oo ay ku jirto Soomaaliya.

Al-Baqdaadi ayaa inta badan khudbaddiisa diirada kuu saaray dagaalka ay kula jiraan dalalka reer Galbeedka, gaar ahaan Mareykanka.

Hoggaamiyaha ayaa sheegay in Mareykanka lagu jabiyey dalalka Somalia, Afghanistan, Pakistan, Iraq bartamaha Afrika, bariga Aasiya iyo waqooyiga Yemen.

Waxa kale uu sheegay in kooxdiisu ay sii xoogeysaneyso islamarkaana ay guullo ka soo hoyday dagaalladii ugu dambeeyey, sida uu hadalka u dhigay.

Dhowan warbixin ka soo baxday Congress-ka Mareykanka ayaa lagu sheegay in awooda Daacish ay ku sii xoogeysnyeso dalalka Syria iyo Iraq.

Kooxda Daacish faraceeda Soomaaliya ayaa ku xoogan dhulka buuraleyda ee Puntland, gaar ahaan gobolka Bari ee maamulkaasi.

Sawirro: Farmaajo oo soo xiray shirka dib u heshiisiinta ee magaalada Dhuusamareeb

Madaxweynaha Soomaaliya Maxamed C/llaahi Farmaajo oo soo xiray Shirka Dib-u-heshiisiinta Galmudug ayaa ku dhawaaqay in loo gudbay wajigii labaad ee qorshaha dhammaystirka dhismaha maamul mideysan oo hana qaada, kana tarjuma hiigsiga iyo himilada bulshada Deegaannada Galmudug.

Madaxweynaha ayaa bogaadiyay dadaalka mideysan ee heer Federaal iyo heer Dowlad Goboleed ee horseeday qabanqaabada iyo qabsoomidda Shirweynahan, isaga oo ku ammaanay bulshada, waxgaradka iyo haldoorka deegaannada Galmudug biseylka ay muujiyeen iyo in ay wadajir ugu istaageen ka mira-dhalinta fursaddan taariikhiga ah.

“Dib-u-heshiisiinta aan bilihii la soo dhaafay ku hawllanayn caawa ayaynu wada aragnaa mira-dhalkeeda. Geeddi-socodka dib-u-heshiisiinta oo ina gaarsiinaya in aan u gudubno wajiga labaad ee soo xulista iyo dhisidda maamul sal adag leh oo Galmudug ay yeelato.”

Madaxweyne Farmaajo ayaa u ballanqaaday shacabka reer Galmudug in Dowladda Federaalka Soomaaliya ay la garab taagan tahay taageero joogto ah iyo sidii ay u xaqiijin lahaayeen himiladooda iyo horumarka ay hiigsanayaan.

Madaxweynaha ayaa dhaqanka, dhallinyarada, culimada, ganacsatada, haweenka iyo siyaasiyiinta reer Galmudug ugu baaqay inay midoobaan oo ay gacmaha is-qabsadaan si loo helo Galmudug mideysan, horumarsan, barwaaqo ah oo ay bulshadeedu si nabad ah u wada nool yihiin.

Ugu danbayntii, Madaxweynaha Jamhuuriyadda ayaa shahaado sharaf guddoonsiiyay Madaxweynaha Dowlad Goboleedka Galmudug Axmed Ducaalle Geelle (Xaaf), Madaxa Xukuumadda Galmudug Sheekh Maxamed Shaakir Cali iyo Guddoomiyaha Guddiga Qabanqaabada Shirweynaha Dib-u-heshiisiinta Galmudug Dr. Cabdiraxmaan Cabdullaahi Baadiyow oo dhammaantood kaalin mug leh ka qaatay qabsoomidda iyo guul ka gaaridda Shirweynahan.

    

DENI oo ka digay inay muddo kororsi sameystaan madaxda dalka

Madaxweynaha dowlad goboleedka Puntland, Mudane Siciid Cabdullaahi (Deni) oo wareysi gaar ah siiyey BBC-da ayaa ka hadlay xaaladda guud ee dalka, gaar ahaan arrimaha doorashooyinka la filayo in ay dhacaan 2020, illaa 2021-ka

Ugu horreyn Deni ayaa ka digay in madaxda dowladda federaalka ah ee Soomaaliya ay sameystaan muddo kororsi aan lagu heshiin.

Waxa kale uu sheegay haddii ay dhacdo arrintaasi in ay dalka u horseedeyso dib u dhac, sida uu hadalka u dhigay.

“Labo sano iyo badh kaddib ma hayno hannaan doorasho, waase rajeynaynaa, dalku waqti kororsi kama bixi karo, Soomaalidu waxa keliya ee haatan ay heshiis ku tahay waa in afartii sanoba mar doorasho dhacdo ilaa burburkii”. ayuu yidhi Siciid Deni.

Madaxweynaha Puntland oo hadalkiisa sii wata ayaa carabka ku dhuftay in dowladda dhexe ay waajib ku tahay in waqtigii loo asteeyey ay ku qabato doorashooyinkasi.

Dhowaan ayey aheyd markii xildhibaan ka tirsan golaha shacabka uu shaaciyey in baarlamaaka uu doonayo muddo kororsi, waxaana uu xusay in arrintaasi oo mar marsiyo looga dhigayo arrimo amni ay ka shaqeynayo guddiga diyaarinta sharciha doorashooyinka.

Doorashada 2020-ka oo lagu heshiiyey inay noqoto qof iyo cod ayaa haatan waxaa muuqan dadaalkii loo baahnaa, si loo qabto doorashadaasi.

SAWIRO:-Wafdi ka socda Dowladda & WHO oo gaaray Baydhabo

Wasiirka  Caafimaadka iyo Daryeelka Bulshada ee Xukuumadda Soomaaliya Drs Fowziyo Abiikar Nuur iyo wafdi heerka caalami ah oo ka socda Hay’adda Caafimaadka Adduunka ee WHO ayaa maanta gaaray magaalada Baydhabo ee xarunta gobolka Baay waxaanna wafdigaan  halkaasi  ku soo dhaweeyay mas’uuliyiinta dowlada goboleedka Koonfur Galbeed.

Wafdiga WHO waxaa  hoggaaminayey Dr.Axmed Al-Mandhari oo ah Agaasimaha xafiiska Mandiqadda Bariga & Mediterranean-ka ee Hay’adda Caafimaadka Adduunka ee WHO.

Wafdigaan ayaa lagu wadaa in ay u kuur galaan xaaladaha Caafimaad ee deegaannada dowlada goboleedka Koonfur Galbeed.

 

Xog: Shabaab oo bilaabay hab cusub oo ay qaraxyada kusoo geliyaan Muqdisho

Dagaalamayaasha Al-Shabaab ayaa billaabay qorshe cusub oo ay qaraxyada ku soo geliyaan magaalada Muqdisho, tan iyo markii la xiray wadooyinka magaalada.

Al-Shabaab waxay bilaabeen in gaadiidka loo yaqaano mooto Bajaajta, oo ah gaadiidka kaliya ee magaalada ka xirneen ay ku soo gudbiyaan qaraxyada kadibna ay ku raraan gaadiid kale oo nuucyada raaxada ah oo gudaha magaalada yaalla.

Qaar kamid ah saraakiisha amaanka Soomaaliya ayaa Daljire.com u sheegay in ay ogaadeen in Al-Shabaab gaadiidka Bajaajta ku soo raraan Qaraxyo, iyagoo ka soo gelinaya dhowr wado oo ku taala magaalada Muqdisho, kadibna waxay ku keydiyaan guryo iyo xarumo ay ku leeyihiin magaalada gudaheeda, iyagoo ugu dambeyntii raba in ay ku raraan gaadiid kale.

Qofka aan la hadalnay oo ka tirsan sarakiisha ugu saraysa ee dhanka amaanka ayaa sheegay in mootadii ku qarxaysay Towfiiq ay aheyd mid qaraxyada iyo dareeskaba u soo waday xaafadaha gudaha ah ee magaalada Muqdisho, si loogu weeraro xarumaha dowladda.

“Markii ay qaraxyada usoo rarayaan xaafaha xiran ee gudaha magaalada, Bajaaj ayaa lagu soo qaadaa maxaa yeelay bajaajtu lama baaro, waana qaraxyo diyaarsan si hadii ay gali waayeen isu qarxiyo qofka” ayuu yiri sarkaalkaan la hadlay Caasimada Online oo codsaday inaan la magacaabin.

Tan iyo markii la xiray waddooyinka Muqdisho waxaa aad u yaraaday qaraxyadii waa weynaa ee magaalada ka dhici jiray, waxaana Shabaabka ay kusoo koobmeen qaraxyo yaryar. Mooto bajaajta ayaan magaalada lagu soo gelin karin qaraxyada waa weyn.

Sawirro: Cumar Filish oo la kulmay xildhibaannada beelaha HAWIYE ee BF

Guddoomiyaha gobolka Banaadir, ahna duqa Muqdisho Cumar Filish ayaa xalay kulan la qaatay qaar ka mid ah xildhibaannada beelaha Hawiye ee baarlamanka Soomaaliya.

Kulanka ayaa looga hadlay sidii xildhibaannada Hawiye ay ula shaqeyn lahaayeen maamulka gobolka Banaadir, looguna midoobi lahaa in magaalada amnigeeda lasugo iyadoo laga mideysan yahay.

Cumar Filish ayaa xildhibaannada u sheegay in xilka uu ka hayo gobolka uu ayaga ku matalo, balse qof kasta ay muhiim tahay inay talo ka gaysato sidii gobalka Banaadir looga saari lahaa marxaladaha amni xumo ee haysata.

Cumar Filish ayaa isku dayaya inuu wanaajiyo amniga gobolka, si taasi ay u suurta-geliso in la furo waddooyinka xiran ee magaalada, oo shacabka ay aad u dhibsadeen.

Xildhibaannada iyo duqa Muqdisho ayaa isku raacay in ay si joogta ah u kulmaan la iskuna xirnaado, si looga wada shaqeeyo danta dadka gobolka u dhashay.

Xildhibaannada la kulmay Filish ayaa u badnaa kuwa kasoo jeeda beesha Mudullood iyo qaar ka mid ah kuwa beesha Habar-gidir, inkasta oo ay kulanka sidoo kale joogeen xildhibaano kasoo jeeda beelaha kale ee Hawiye.

Al-Shabaab oo ciidan badan ku daabushay Sh/Hoose

Ururka Al-Shabaab ayaa waxa ay dhaq dhaqaaq Ciidan oo xoogan ay ka wadaan deegaano ka tirsan Gobolka Shabellaha hoose, kadib markii Ciidamada dowladda iyo...

Madaxweynihii hore ee Puntland oo tallooyin siiyay madaxweynaha cusub ee Puntland

Kadib markii lagu dhawaaqay natiijada doorashada madaxweynaha Puntland waxaa khdubado la siiyay masuuliyiin kale oo ku sugan goobta ku sugan. Saciid Cabdullaahi Deni Madaxweynaha cusub...

Sawirro;-Galkayo, 17 Dec 2018, Validation of Customary law for Galkayo joint Peace initiative

With the support of HD (The Centre for Humanitarian Dialogue), the Galkayo Joint peace committee has today held a meeting for many Galkayo residents...

Cilmi baaris laga sameeyay dadka sida joogtada ah u gala sawirrada kadibna soo dhigo...

Wargeyska DailyMail ee kasoo baxa Ingiriiska ayaa daabacay warbixin uu ka qoray cilmibaaris ay Jaamacadda Ohio ee dalka Mareykanka ka sameysay dadka sida joogtada...

SAWIRO:- Wasaaradda Beeraha Koonfur Galbeed Oo Martigalisey Shir Muhiim ah.

Wasaarada Beeraha Dowladda Koonfur Galbeed Soomaaliya Ayaa Magaalada Baydhabo Kuqabatey Shir Muhiim ah oo Kusaabsan Arimaha Beeraha. Shirkan Ayaa Waxaa Diirada Lagu saarayey Horumarinta Beeraha...

(SAWIRO) Dhaliyarada Baydhabo Oo Caawa Ciyaaradat Kadawaranayaan Hoelada

Caawa oo ah habeenkii ugu dambesay kulanka Finalaha World cup oo ay ciyarayaan  labada xul France iyo Croatia ayaa dhalinyarada magalada baydhabo waxey ciyaarta...

Jubbaland oo maanta Xukun dil toogasho ah ku riday Askari horay Xaaskiisa u dilay

Maxkamada Ciidamada Qalabka sida ee Dowlad Goboleedka Jubbaland ayaa waxaa Maanta ay xukun dil toogasho ah ku riday Cabdullaahi Aasad oo ka tirsanaa Ciidamada...