Home Blog

Weerar ka socda Xarumaha Wasaaradaha la Qarxiyay & Hub Culus oo la maqlayo

Faah faahin dheeraad ah ayaa ka soo baxaya qaraxyo xoogan oo Goordhow lagu weeraray Xarunta Wasaaradda Shaqada iyo Shaqaalaha eek u taalla Isgoyska Jubba ee dhinaca degmada Shangaani ee Gobolka Banaadir.

Qaraxyada ayaa waxaa loo adeegsaday Gaari laga soo buuxiyay waxyaabaha qarxa,waxaana xigay rasaas xoogan oo halkaasi laga maqlay .

Wararka qaar ayaa waxa ay sheegayaan in halkaasi rag hubeysan ay gudaha u galeen,waxaana goobta ay qaraxyada ka dhaceen ku yaalla Maqaayado iyo Xarumo kale

Gaadiidka gurmadka deg deg ah ayaa haatan goobta kasoo daabulaya dadkii ku waxyeeloobay qaraxyadaasi.

Wararka ayaa intaasi waxa ay ku darayaan in uu qaraxyada ay sababeen Khasaaro kala duwan oo isugu jira dhimasho iyo dhaawac.

Ciidamo ka tirsan kuwa Booliska Soomaaliya ayaa ku sugan goobta,waxaana la xiray dhammaan wadooyinka soo gala iyo kuwa kabaxa

DEG DEG Qarax Labaad oo ka dhacay Muqdisho iyo rasaas socoto

Qarax Labaad ayaa ka dhacay Isgoyska Jubba gaar ahaan Wasaaradda Shaqadda iyo Shaqaallaha, waxaana la sheegay in Qaraxaan uu ka dhacay meel aan siddaasi uga fogeyn goobtii horay Qaraxu uga dhacay.

Rasaas xoog leh ayaa socoto, waxaana wali la xaqiijin karin in ciidanka dowladda ay ridayaan iyo in ay jiraan Koox hubeysan oo Qaraxyadda ka dib weerartay Xarunta Wasaaradda Shaqadda iyo Shaqaallaha.

SAWIRRO: Dalalka Somalia iyo Turkiga oo Heshiis taariikhi ah ku saxiixay Magaalada Istanbul

Dalalka Soomaaliya iyo Turkiga ayaa maanta kala saxiixday heshiis la sheegay inuu taariikhi yahay oo labada dal ay isku weydaarsadeen dhulka labada safaaradood ee Somalia iyo Turkiga ku kala leeyihiin Muqdisho iyo Ankara.

Labada Wasiir ee Arimaha Dibadda ee Soomaaliya Axmed Ciise Cawad iyo Turkiga Mevlüt Çavuşoğlu oo ka wada qeyb galay shirkii aan caadiga ahayn ee Waddama Iskaashiga Islaamka ee (OIC) ay ku yeesheen qabteen magaalada Istanbul 21-22 Maarso 2019 ayay qalinka ku duugeen saxiixa heshiiska ku saabsan inay iswaydaarsadeena labada dhul ee safaaradaha labada dal ku kala leeyihiin Muqdisho iyo Ankara.

Wasiirka Arrimaha dibadda Soomaaliya ayaa Turkiga u tegay ka qeybgalka shirka uu guddoominayey Wasiirka Arimaha Dibadda ee dalk Turkiga Mevlüt Çavuşoğlu , iyadoo laga soo saaray qoraal lagu dhaleecaynayo fikirka caalamka ku soo kordhaya ee Islaam nacayb ka ah ee loo yaqaan (Islamophobia) iyada oo loogu baaqay hay’adaha caalamiga iyo kuwa heer gobolba in loo aqoonsado maalinta 15 Maarso maalin caalami ah oo lagu hor-istaago fikirka iyo falalka Islaam-nacaybka.

Waxaa isaguna shirka lagu casumay oo joogey Wasiirka Arimaha Dibadda ee dalka New Zealand H. E Winston Peters oo khudbad qiiro leh ka jeediyey shirka, iyada oo ka soo qayb galayaashii shirku ku bogaadiyeen go’aanka iyo doorka wanaagsan ee xukuumadda New Zealand ay ka qaadatay dhacdadan gaar ahaan Raysal Wasaaraha dalka H. E Jacinda Ardern.

Shirkan oo la qabtay asbuuc ka dib maalintii dhibaatadu dhacday waxay ka soo qayb galayaashii shirku ku ammaaneen dawladda Turkey sida fiican ee ay u soo agaasintay waxaana soo xidhay shirka madaxweynaha dalka Turkey Mudane Recep Tayyip Erdogan.

Taliye Indha-Qarshe oo ku dhawaaqay hadal xanaf leh oo sii kicin kara ciidamadii Gadoodka sameeyay

Taliyaha ciidamada xooga dalka Daahir Aadan Cilmi Indhaqarshe ayaa ka hadlay gadoodkii ugu dambeeyay ee ay sameeyeen ciidamada xooga dalka ee ku sugan Shabeelaha dhexe iyo Shabeelaha Hoose.

Taliye Indhaqarshe ayaa shaaciyay in ciidamada xooga dalka ay u baahan yihiin xerooyin iyo xuquuqda ay leeyihiin balse ay ka hor taagan yihiin xubno saraakiil ah iyo kuwo uu sheegay inay hanaan qabiil u abaabulan yihiin.

Sidoo kale taliyaha ciidamada xooga dalka ayaa sheegay in go’aanka dowladda Soomaaliya qaadatay uu yahay mid wanaagsan oo lagu hagaajinayo ciidamada saxda ah ee dalka uu leeyahay.

Wuxuu tilmaamay in ciidamada ay ka hari doonaan ama aysan kasii mid ahaan doonin kuwa uu sheegay inaysan daacad u aheyn dalka iyo kuwii mudaaharaadyada sameeyay, sida uu hadalka u dhigay.

“Mustaqbalka ciidanka ayaan u soconaa, dowladda waxay u socotaa mustaqbalka ciidanka, aad ayaana ugu amaanayaa go’aanka ay qaadatay dowladda, waxaan hubaa inta mudaaharaadeyso inay lumi doonaan, waxaana hubaa kan aan damiirka laheyn, tuuganimada dilootay, waxaan hubaa inuu ka hari doono ciidamada”.

“Ciidanka wuxuu u baahan yahay xero in loo sameeyo, ciidanka wuxuu u baahan yahay inay helaan tababar wanaagsan, waana hubaa inay ciidanka ku hari doonaan saraakiisha dalka iyo dadka u damqanaya”.Ayuu yiri Indhaqarshe.

Hadalkiisa ayaa keeni kara inay ka caroodaan ciidamada kale ee ku jira farumaha dagaalka, maadama horey ciidamadii gadoodka sameeyay ay ka caroodeen hadal uu jeediyay ra’iisul wasaaraha dalka.

Soomaali Wasiir ku xigeen ka noqday Mareykanka

Gudoomiyaha gobolka Minnisoto ee dalka Mareykanka ayaa Muwaadin Soomaaliyeed u Magacaabay in uu noqdo Wasiir ku xigeenka Arrimaha Shaqaallaha iyo Kobcinta dhaqaallaha ee Gobolka Minnesota ee dalka Mareykanka.

Xamza Warfaa ayaa ku guuleystay xilkaan ka dib markii uu dadaal badan sameeyay intii uu kunoolaa dalka Mareykanka, waxaana xilkaan ay sheegeen in uu muhiim u yahay Soomaalida kunool dalka Mareykanka.

Xamze Warfaa oo guushiisa kadib la hadlay Warbaahinta waxaa uu sheegay in ay farxad galin doonto tilaabaddan, islamarkaana uu waxbadan u qaban doono Bulshada degaanka.

Xamsa Warfaa oo ka mid ah shaqsiyaadka u dhaqdhaqaaqa Arimaha Bulshada ayaa sidoo kale  noqday qofkii ugu horeeyey ee Soomaali ah ee la siiyo Abaal marinta sanadlaha ah oo ay bixiyaan Hay’adaha deeqaha bixiya ee gobalka Minnesota Sanadkii 2018-ka

Xasan Dahir Uweys oo kubaaqay in La Toogto

Xasan Daahir Aweys ayaa ugu baaqay hay’addaha garsoorka in ay si qoto dheer u eegaan xukunada ay ku ridayaan kiisaska kufsiga.

Xasan Daahir oo si gaar ah uga hadlay kiiska kufsiga Caa’isha Ilyaaas, oo inta la kufsaday kadibna lagu dilay Gaalkacyo, ayaa ku baaqay in dadkii ka dambeeyey falkaas lagu fuliyo xukun dil ah.

Xasan Daahir waxa uu sheegay in kiiskaas uusan ahayn oo kaliya kiis kufsi balse uu la socdo dil, sidaas darteedna dadkii ka dambeeyey ay isaga la tahay in xukun qisaas dil ah lagu fuliyo.

Kiiskaan gabadhaasi ayaa haatan horyaalla hay’addaha cadaalada maamul goboleedka Puntland, kuwaasi oo xukunka laga sugayo, waxaana qaabka loo maareynayo dhaliila aabaha Caa’isha oo sheegay inuusan ku faraxsaneyn sida mas’uuliyiinta Puntland ay kiiskan u xalinayaan.

Illaa iyo todoba qofood ayaa kiisaskii ugu dambeeyay ee kufsi la xiriira ee dhacay Puntland loosoo qabtay, kuwaasi oo la sheegay in qaarkood lasii daayay.


cWaxaa jira warar sheegaya in la doonayo in kiiska hab beeleed lagu xaliyo, si ragga gaystay looga bad-baadiyo inay xukun dil ah maraan, taasi oo Caa’isha aabaheed uusan ku faraxsaneyn.

SAWIRRO: Haweenka New Zealand oo xijaab wada xirtay & Ra’iisal Wasaaradda oo Xadiis ku furtay Baroordiiqda

Baroordiiq loo sameeyay dadkii muslimiinta ahaa ee lagu laayey laba masjid oo ku yaalla magaalada Christchurch ayaa si weyn loo hadal hayaa toddobaad kadib jimcihii koowaad.

50 ayaa lagu dilay dalka New Zealand, markii nin caddaan cunsuri ah uu rasaas ku furay iyagoo ku jira laba masjid, waxaana weli Isbitaallada ku jira 29 qof, laakiin baroordiiq loo sameeyay ayaa si weyn looga maqsuuday.

Haweenka New Zealand ayaa xirtay Khimaaro ay ku muujinayaan murugo iyadoo ay ugu horeysay haweeneyda Ra’iisal wasaaraha ka ah dalkaasi Jacinda Arden, waxaana dalkaasi oo dhan laga baahiyey aadaanka salaadda Jimcaha, iyadoo Ra’iisal wasaaradda ay baroordiiqda ku furtay Xadiiskii Nebiga scw ee ahaa: Muslimiinta waxay la mid yihiin hal jir oo kale sida ay isugu naxariisanayaan oo ay isku jecel yihiin oo haddii jir qeyb ka mida uu xanuunsado, intiisa kale ay la xanuunsaneyso..”

HOOS KA DAAWO SAWIRRADA

Shir looga hadlayo Islaam nacaybka oo Maanta ka furmaya Turkiga

Dowladda Turkiga ayaa Waddamada ku bahoobay Ururka Iskaashiga Islaamka ee OIC ugu baaqday kulan deg-deg ah oo ka dhici doona Maanta Magaalada Istambuul ee Dalka Turkiga, sida ay qortay Jariiradda Daily Sabah.

Shirkan oo looga hadli doona falkii Argagixisanimo ee dhawaan ka dhacay Dalka , New Zealand iyo sidii laga yeeli lahaa Kooxaha Cunsuriyiinta ee Islamophobia” loo yaqaan oo ku soo badanaya waddamada reer Galbeedka, ayaa waxaa qeyb ka ah madax ka kala socota Waddamada ku bahoobay Ururka OIC.

War kasoo baxay Xafiiska Wasiirka Arrimaha dibedda Dalka Turkiga, Mevlüt Çavuşoğlu, ayaa lagu sheegay in shirku ay ku casuuman yihiin, Qaramada Midoobay, Midowga Yurub, Ururka iskaashiga ammaanka ee Yurub OSCE iyo hay’ado Caalami ah.

15-kii Bishan ayay ahayd markii 50 Qof oo Muslimiin ah lagu laayay Masaajidda Al-Nuur iyo Linwood oo ku yaalla Magaalada Christchurch, ee Dalka New Zealand, markii uu Rasaas huwiyay Nin ka tirsan Kooxaha neceb Islaamka iyo soo galootiga.

Guddoomiyaha Degmada Marka oo fariin u diray Shacabka

Guddoomiyaha cusub ee Degmada Marka , C/llaahi Cali Axmed (Waafoow), ayaa sheegay in tallaabooyinka ugu horreeya ee uu qaadi doono ay tahay sidii Al-Shabaab looga xoreyn degaannada ay kaga sugan yihiin Gobolka, ammaankana loo soo celin lahaa.

Mudane; Waafoow, oo u warramayay Warbaahinta dowladda ayaa ku cel-celiyay in qorshihiisa koobaad iyo kan Labaadba uu yahay sugidda ammaanka, Shacabka iyo qeybaha kala duwan ee Bulshadana ka codsadey in ay maamulkooda la shaqeeyaan, si cadowga looga adkaado.

Guddoomiye, Waafoow ayaa sheegay in ay xoogga saari doonaan sidii dib loogu soo celin lahaa dhammaan adeegyadii Bulshada ee Degmada Marko, sida Caafimaadka, wax-barashada iyo dhaq-dhaqaaqyadii kale ee Bulshada iyagoo kaashana maamulka Koofur Galbeed iyo laamaha ammaanka.

Wuxuu sheegay Guddoomiyuhu in ay sidoo kale xoogga saari doonaan horumarinta degaanka, haatanna ay kulammo la qaateen hay’adaha ay quseyso, Shacabkuna ay u jiheyn doonaan in ay ka faa’iideystaan Kheyraadka uu Alle ku manneystay, maaddaama ay Degmada Marka tahay Magaalo Xeebeed, balse intaas oo idil ay ka horreeyso sugidda ammmaanka.

C/llaahi Cali Axmed (Waafoow), ayaa sheegay in aysan jirin haba yaraatee wax adeeg Caafimaad ah oo uu fuliyo Isbitaalka Guud ee Magaalada Marka, Shababkuna ay arrintaasi dhibaato weyn ka haysato, isagoo Dowladda Federaalka iyo maamulka Koofur Galbeedba ugu baaqay in gar-gaar Caafimaad oo deg-deg ah lala soo gaaro.

Shacabka ku nool Magaalada Marka ayuu ugu baaqay in ay ka gudbaan waxyaabihii dhaliyay colaadihii ragaadiyay Degmada iyo horumrinta degaanka, wuxuuna usoo jeediyay in ay maamulka iyo laamaha ammaankuba kala shaqeeyaan sidii looga adkaan lahaa Al-Shabaab.

Madaxweynihii hore ee Puntland oo tallooyin siiyay madaxweynaha cusub ee Puntland

Kadib markii lagu dhawaaqay natiijada doorashada madaxweynaha Puntland waxaa khdubado la siiyay masuuliyiin kale oo ku sugan goobta ku sugan. Saciid Cabdullaahi Deni Madaxweynaha cusub...

Sawirro;-Galkayo, 17 Dec 2018, Validation of Customary law for Galkayo joint Peace initiative

With the support of HD (The Centre for Humanitarian Dialogue), the Galkayo Joint peace committee has today held a meeting for many Galkayo residents...

Cilmi baaris laga sameeyay dadka sida joogtada ah u gala sawirrada kadibna soo dhigo...

Wargeyska DailyMail ee kasoo baxa Ingiriiska ayaa daabacay warbixin uu ka qoray cilmibaaris ay Jaamacadda Ohio ee dalka Mareykanka ka sameysay dadka sida joogtada...

SAWIRO:- Wasaaradda Beeraha Koonfur Galbeed Oo Martigalisey Shir Muhiim ah.

Wasaarada Beeraha Dowladda Koonfur Galbeed Soomaaliya Ayaa Magaalada Baydhabo Kuqabatey Shir Muhiim ah oo Kusaabsan Arimaha Beeraha. Shirkan Ayaa Waxaa Diirada Lagu saarayey Horumarinta Beeraha...

(SAWIRO) Dhaliyarada Baydhabo Oo Caawa Ciyaaradat Kadawaranayaan Hoelada

Caawa oo ah habeenkii ugu dambesay kulanka Finalaha World cup oo ay ciyarayaan  labada xul France iyo Croatia ayaa dhalinyarada magalada baydhabo waxey ciyaarta...

Jubbaland oo maanta Xukun dil toogasho ah ku riday Askari horay Xaaskiisa u dilay

Maxkamada Ciidamada Qalabka sida ee Dowlad Goboleedka Jubbaland ayaa waxaa Maanta ay xukun dil toogasho ah ku riday Cabdullaahi Aasad oo ka tirsanaa Ciidamada...

Khatarta dagaal ganacsi kaga dhex qarxi karto Maraykanka iyo Shiinaha oo sii kordhaysa

Khatarta ah in dagaal ganacsi ka dhex qarxo Maraykanka iyo Shiinaha ayaa sii korodhay maadaama Madaxweyne Trump soo bandhigay qorsheyaal cashuur cusub oo qiimaheedu...