Masuuliyiin katirsanaa maamulka Somaliland oo Xabsiga la dhigay kadib Fadeexad lagu helay

118

Wararka ka imaanaya magaalada Hargeysa ee xarunta Maamulka Somaliland ayaa sheegaya in xabsiga la dhigay masuuliyiin hore oo katirsanaa maamulka Somaliland ,kuwaa oo loo heesto Musuq maasuq.

Ciidamada booliiska Somaliland ayaa xabsiga dhigay Maareeyihii hore ee Madbacada Qaranka Somaliland Saciid Saalax Shire iyo agaasimihii maamulka iyo Maaliyadda ee madbacada Qaranka Cabdikariin Cabdulaahi Cumar.

Labadan nin ayaa la sheegay in loo xiray musuq maasuq iyo wax isdaba marin ay ku kaceen intii ay maamulka hayeen, waxaana xubnahan dhawaan baaritaano ku sameeyay Hanti dhorwka Qaranka Somaliland.

Masuuliyiinta iyo saraakiisha maamulka Somaliland ayaan wali si rasmi ah uga hadlin xariga loo geestay masuuliyiintan lagu tuhmayo in ay falal musuq maasuq ah ku kaceen mududadii ay joogeen maamulka Madbacada Qaranka.

Daljire.com(office in Hargeysa)