Siyaasi Kenyan ah oo shaaciyay Arin halis ah oo kadhalankarta khilaafka labada Dal

210

Hoggaamiyaha Xisbiga Amani National Congress ee dalka Kenya, Musaliya Mudafadi ahna Xubin muhiim ah oo ka tirsan Isbahaysiga Sare ee NASA ee dalkaasi waxa uu sheegay in Khilaafka Somalia iyo Kenya ee Xuduudka Badda uu colaad ka dhex abuuri karo Gobalka, isla markaana ay Kenya ka dhaxli doonto dhibaatooyin fara badan.

Siyaasiga oo ka mid ah Siyaasiyiinta ka madax bannaan Dowladda Kenya waxa uu ku booriyey Beesha Caalamka inay qaadaan Tallaabo degdeg ah muranka dhanka xuduudka ee u dhexeeya Kenya iyo Somalia, si looga hortago inay xiisadda sare u kacdo, waa sida uu hadalka u yiri.

Waxa kale oo uu xusay in waddo kasta loo oggol yahay ilaa 200 Arnootikaal maylis ee Badda oo qeyb ka ah Xuduudka, isaga oo dhanka kalena sheegay inay Somalia degdegayso iyadoo aysan Maxkamadda ICJ ku dhawaaqin Go’aanka kama dambaysta.

Hoggaamiyaha Xisbiga Amani National Congress ee dalka Kenya, Musaliya Mudafadi waxa uu ku booriyey  dadka Reer Kenya inaysan ku kala qeybsamin qaddiyadda Muranka Xuduudka Badda kala dhexeeya Somalia,  isla markaana ay Dowladda Kenya ku garab istaagaan sidii loo difaaci lahaa Xuduudaha ay Beesha Caalamka aqoonsan tahay.