DF oo ka baxday heshiisyo qarsoodi ahaa oo ay kula jirtay shan shirkadood

57

Wasaaradda Gaadiidka iyo Duulista Hawada Soomaaliya ayaa sheegtay inay ka baxday heshiisyo ay kula jirtay shan shirkad oo kala duwan.

Heshiisyadan oo ahaa kuwa aan markii horeba laga war-hayn, ayaa shirkadaha lagula jiray waxay qaabilsanaayeen hubinta bedqabka Gaadiidka [M.O.T ama Kalaawito].

Shirkadaha Wasaaradda Gaadiidka heshiiska kula jiray ee la laalay qandaraaskooda waxay kala yihiin: General Motors, Balqiisa General Service, Sawaasiya General Service, Gaagaale General Service, iyo Barwaaqo General Service.

Heshiisyadan ayaa ahaa kuwo ay shacabka Muqdisho dhibaato badan ku qabeen, maadaama looga qaadan jiray lacago kala duwan oo aan wax shaqo ah loogu qaban.

Qoraalka kasoo baxay wasiirka wasaaraddaasi Maxamed C/llaahi Salaad [Oomaar] ayuu ku shaaciyey in gebi ahaanba la joojiyey tijaabadii bedqabka gaadiidka, mana jiro sabab faahfaahsan oo laga bixiyey arrintan.